مدرب سياقة

طقت في راسي ان احط لي دروييول يعني ( سائق ) مع زحمة الشوارع وتوصيل اليهال حق المدارس شفت ان لازم احط سائق طلبنا فيزا والحمدالله عطونا وقدمنا حق الجوازات ومشت الامور وعطونا إقامة ورحنا إدارة المرور نطلب كشه ( رخصة تدريب ) خلال خمس دقائق والا كشة السائق في يده، كل الامور عسل واحلا ما يمكن الحين نبي مدرب سياقة لان حسب القانون لازم اتدرب ،حتى لو كان شوماخر سائق الفورميلا ويبي ليسن لازم اتدرب واهنيه المشكلة تعال حصل على مدرب رحت مدرسة المرور وخذيت قائمة المدربين كلهم اتصلت فيهم كلهم فل الا واحد عقب حنه ونه حصلت واحد يوم السبت الساعة 6الصبح قلنا كل واحد ست ثمان اي وقت ،وصل المدرب شان يطرد الباكستاني من السيارة شالسالفة يالخو قال ما خذ محاضرة حول يله حول والمحاضرة عاد متى باشر يوم الاحد الساعة ثمان الصبح اتصلنا في المدرب يا ابن الحلال الريال خذ المحاضرة قال لا ما بيه هذي خسرني قلنا بنعوضك قال بس خلاص انا خذيت واحد محله، ورديت اتصل بواحد واحد كل فل اخر شي قالي واحد روح المدرسة بتحصل مدرب واروح المدرسة واركض وراء السيارات كاني واحد يبي اغسل سيارة الكل اقول فل اخر شي واحد قالي روح تحت المظلات بتحصل مدربين بتحاضفون الباكستاني او قولهم قنطراز او قولولهم شيف الحال اظاهر هذي كود عندهم وورحنا من مظله الى مظله ولا احد في راضي ادرب وبزور واحد قالي اتصل اتصل فيني عقب اسبوع يمكن واحد ينجح واخذه محله ومشيت واتصلت بواحد وقمت اترجاه قالي شوف تعال يوم الجمعة المدرسة بنشوف هالباكستاني والله ما يندرى صدقه من جذبه ، انا عندي سؤال ليش المرور ما ازيدون عدد المدربين او يتركون المجال حق القطاع الخاص افتحون مدارس تدريب سياقة وافكون العالم من تحكم هالمدربين

وسافرت الخدامه

اليوم بتسافر صوفيا منهي صوفيا خدامتنا في البيت طبعا هي اثيوبية الجنسية اقعدت عندنا ثلاث سنوات طبعا ما قلنا لكم اشلون شغلنا صوفيا طبعا قبل ثلاث سنوات كانت مرتي الحبيبة دم اضروسها الخدامات اشوفهم عبيد الخدامة الاولى يمكن طولت ३ شهور والثانية سته والثالثة تسعة ولكن الرابعة انا طلعته من البيت بسبب اتييب تلفونات خفت صراحة كملت سنه اما الرابعة فحدث ولا حرج من اول اسبوع قامت تتصل بالفلبين بدون امر وتشرب عصاير اليهال وكله قلنا ماشي لكن تشرب العصير وتصب بداله ماي هذي قويه انا اهنيه رجعتها المكتب وقلنا حق المراءه ما لنا حظ في الخدم وصبري ومر حوالي شهر وشهر رمضان جرب وقامت المره اتصيح انا تعبت انا كذا كذا والا بتلفون من العم ابوا المره انا بايي البحرين قلنا حياك الله وبعدين قام بالذهاب الى المحل الخدم وشاف صوفيا وقل هذي وكانت اتهف من الضعف والحين دبابة ما ادري اهلها باعرفونها ول لا وبنبتدي الحين المعاناة

عرض تقييم الاداء

عرض تقييم الاداء
اعداد جمال امين
للاستفادة للموظفين والطلبة
يرجى الدخول على الرابط
http://www.megaupload.com/?d=8Z97W8AH