يالله يامحسنين منحة الغلا لمين

ان منحة الغلا صارت نكته يعني اللي عنده سجل ما احصل يعني اللي عنده سجل تاكسي يساوي نفس شركة العاصمة للنقليات واللي عنده دوبي يعتقد انه اغلى من الوليد بن طلال واللي عنده براده في دواعيس المحرق وماجرها بسبعين دينار اكبر من كارفور وجيان واللي عنده بوتيك سجل صيح المرحوم فرساتشي وشانيل وسان لوران واللي عنده تاكسي اغني من بيل جيت والله شعب البحرين اغنياء وانا اقول حرام يعطونهم منحة غلا ان اقول المفروض اتبرعون حق اليواعه في افريقيا يعني 40 ملييون شنهي يعني احنا بلا فخر التاكسي اقل شي في حسابه مليون دينار بس اتعرف الحكومه فسكانه من كثر الفلوس اللي عندنا مثل ما يقول فؤاد ولد سعيد باشا في درب الزلق البنوك اقولون ما عندناش ياجماعة مكان للفلوس اقولون ان وزارة التنمية فتحت مجال حق التظلم اللي خارج المركز اكثر من الداخل ولا كان الجو مب حر الا تنور ولا عزاء للفقراء محد قالهم اصيرون فقراء يعني العيارة والجمبزه مركز حق التظلم حاطينه في اخر البحرين مدينة حمد ومركز واحد واقلام مافية وييب البطاقات السكانية ونسخة من السجل ووووووووووو واخرها المواطن اتصيده جلطة لا هو من 50 دينار ولا هو صحته وبعد ساعة اقولون له الله يرحمه وبجذي حققنا الهدف قللنا عدد المواطنيين يعني خف على الدوله وعلى المواد الغذائية فزاد العرض وقل الطلب وبجذي اقل السعر فقللنا الاسعار وصارت ارخص من قبل هذي الفن

صحيفة الوقت: يومية سياسية مستقلة

صحيفة الوقت: يومية سياسية مستقلة

جريدة الرياض : عمارة يعقوبيان

جريدة الرياض : عمارة يعقوبيان

لماذا كل المواطنين البحرينينن يتكلمون في السياسة

استغرب من الناس في البحرين الكل قام يتكلم في السياسه والكل قام يدلي بدلوه العود والصغير والكل احلل ويستنتج اتقول عن الشخص هذا من اعضاء الحكومه قد اكون وزير او نائب ولو تساله سؤال في التاريخ او الجغرافيا تبلعم وقال هذه كلام عيب الواحد يستحي اتكلم فيه ولا لو تساله جم في مخباك الحين ستراه يترجل ويدقق على جيبه ويقولك ان سبب فقره طبعا فلان وفلان والحكومه ما تزيد الرواتب ووووو وكلام ماله اول من تالي طبعا ما يلوم نفسه لو تساله جربت حظك في التجارة برد واقول الهنود خلو لنا شي واخذ يرد على السياسه وعملية التجنيس، والمشكله انك واقف عند الخباز اشوف الناس اتكلم في السياسه وان اسباب تاخير الخباز في تلبية طلبات العملاء سببه الحكومه وقفت عند النقل العام سبب تاخير الباص الحكومه ودشولك في السياسه ريال متهاوش ويا مرته بسبب السياسه اهو يبي اشوف الجزيره او قناه تنتقد الحكومه وهي تبي اشوف المسلسل التركي نور حتى برامج التلفزيون اكثرها عن السياسه ياحلاة لول تلفزيون البحرين اسك من الساعة عشر في الختام انا اقول ما يفيد الحجي في السياسه والجيب خالي .

الديون والسلف

السؤال الذي يطرح نفسه لماذا الانسان البحريني يتدين

• هل احتياجاته كثيره وراتبه لا يكفي .
• ام طموحاته كبيره.
• ام عينه فارغه ما يترسهه الا التراب .
• او اطالع اللي اغنى منه ويريد التقليد.
• او عليه ضغوطات خارجيه مثل الزوجه والاولاد.
• او يتمنى بوزنه ادش الجنه.

الاكتفاء الذاتي والامن الغذائي القومي

اليوم موضوعنا بخصوص التطورات الحاصلة في هذه الفترة الاخيرة من ارتفاع اسعار المواد الغذائية وعدم وجودها في الاسواق المحلية وذلك لعدة اسباب :

1. ارتفاع الاسعار.
2. تغيير المصانع للمنتج.
3. ارتفاع اسعار النفط.
4. استخدام المواد الغذائية وتحويلها لوقود خالي من التلوث.

واحنا دول الخليج على الله ومن ثم الدول الاخرى مثل الهند والصين وتايلند والاردن ولبنان واسبانيا

اللومي وصل سعره دينار وزاد طماط فوق نص دينار يعني إدارة الزراعة شسوون كل رمضان على الله ومن ثم رضا استراليا يعني اذا الاستراليين ازعلوا متنا من اليوع ما في لحم استرالي تصورا يا جماعة دجاج على فرنسا والبرازيل ودجاج المزرعة دولة ما عندها اكتفاء ذاتي يعني لنفرض امريكا طقت ايران تخيلوا شبسوي طبعا الكل يعتقد ايران بتضرب دول الخليج بالنووي او الكيماوي او الصواريخ بعيدة المدى على العكس ولا بتلمسنا بس بتغلغ مضيق هرمز كم يوم وبتخلينا احنا وعيالنا نفس افريقيا اضعاف وبطونه منتفخه ، مره انا رايح المتحف اللي عند باب البحرين والحين المحكمة الدستورية حاليا لو اقولك اتعجب البحرين عندها كل هذي السؤال ماذا رايت شفت صورة للمغفور له باذن لله تعالى الشيخ سلمان بن حمد حاكم البحرين انذاك يفتتح حصاد القمح بمنطقة قلالي شوفوا يا جماعة حصاد القمح شوفوا اشلوا البحرين كانت تسمى بام المليون نخله والحين اذا عندنا مائة الف هذي نعمة كنا نزرع جميع الخضروات البحرين المشهورة باللوز والكنار والاصبار صرنا نستورده من السعوديه اليح من السعوديه من قبل نعتبر دوله زراعية صرنا دوله اسمنتيه كل بنيات واطوف الله يستر علينا .

السفــــــــــــــــــــــــــــــــــــر

طبعا الصيف شرف واعلن عن وصوله من خلال الاسبوع السابق حيث جائتنا رطوبه شديده وبدات الاستعدادت للسفر وهي كالتالي :

1. 
   
   حنة النسوان على السفر وفلانة سافرت وعلانتانه راحت.


2. 
   
   انتظار نتائج الامتحانات وطبعا ايون عيال اشرفون وعيال افشلون واخربون مزاج السفرة بسبب النتائح الباهره في الامتحانات من سقوط وإعاده.


3. 
   
   اختيار الدولة المتجههة اليها ما ندري على الحجوزات خلووا انحددها بعدين .


4. 
   
   تحديد الاجازةالحجوزات وارتفاع الاسعار .


5. 
   
   طابور على البنوك حق القروض والا انا حافي منتف من ويلي اسافر يالله علشان حمود وعبود وعووش ومريوم وامهم الساحره بتدين 5000 دينار ومدة السفره 3 اسابيع ومدة القرض 5 سنوات ادفع.


6. 
   
   مصر مافي حجز سوريا او ايران او تركيا اقولون معاملتهم مب شي لبنان اتخوف في لحظة اتصير حرب ماليزبا تايلند اقولون حر لندن او المانيا او هولندا البوند ويورو غالي وايد انزين سويسرا ينيت اقولون ما يروحون لها الا البلايا اللي عندهم ملايين انزين شرايكم استراليا بعيده ومسافة طويله والام تخاف من الطياره انزين امريكا ما يعطونه فيزا ابونه له لحيه اخفون ان من القاعده عيل وين انروح شرايكم في دبي لا اقول انروح سويسرا ارخص تدرون انروح كويت اخ الدينار الكويتي صار فرق العملة 400 فلس في صالح الدينار الكويتي يعني 100 دينار البحريني اصير 600 فلس اووه تومان ايران او دينار عراقي اخخخخ عليك يالدينار البحريني انزين شرايكم انروح ابها والطائف يبى امنا تخاف من الجبال وهذي ويهي اذا حصلتوا على حجز عيل وين انروح اقول نقعد في البحرين وانرح كل اسبوع بركه اصرف واحسن بس حر هذي مصير الفقير

سؤال يوجه الى جميع العاملين في البحرين هل انت راضي عن وظيفتك؟

يرجى الاجابة ........

نانسي بدون هدوم

الليوان :
هو عباره عن منطقة في البيت كانت العائلة تجلس فيه لتبادل الاحاديث وكانت لاستقبال الجيران المقربين وتبادل الاحاديث واخر الاخبار
ومع التطور وتغير طرق البناء اندثر الليوان
وحفظا لهذا الاسم تم تسمية الموقع باسم الليوان لتبادل اخر الاحداث والاخبار ولنشر المقالات