ياانا ياهي او ياهي يانا

طبعا العنوان غريب حق الغير المتزوجين ولكن المتزوجين بعرفون على طول من المقصود طبعا هم الازواج ، الازواج عدوين في قفص الكل يبي اسيطر على الثاني انا اشوف زوجتي بخيله وحنانه وتبي اتهاوش ليل نهار يوم السعد يوم النكد وهي اشوفني صراف واناني وما افهم واذا صارت مشكلة صرت انا المتسبب الرئيسي . خلنا نسمع ام العيال شتقول عن نفسها : انا اسوي كل شي في البيت انا اطبخ انا اطعم اليهال انا ادرس انا اللي قولوا فيني الام مدرسة اذا اعددتها اعددت شعب طيب الاعراق انت شقالوا عنك. انا اقول هالشاعر غشيم واظاهر انه ما تزوج لو تزوج شان قال الام محرقة تحرق الابو قبل العيال والله مسكين هالريال اقوم من الصبح اروح الدوام وعلى الطريج اوصل اليهال وعقب الدوام اول ما يوصل او قبل لا يطلع من الدوام توصلة الاوامر سو وافعل وود وييب واذا وصل البيت سمع الصراخ من اليهال والام والحنه والونه واذا بيطلع وين باروح حق صبيان انت امس معاهم واول معاهم وووووووو والله وانا كنت كله معاهه اصدقون اذا اطلع اتعد الساعات جم ساعة قعدت مع ربعي واذا رجعت مدت البوز وقالت مب فندق ترجع اتنام فيه اخر قرار اتخذت ان احط كاميرا انشوف منهو الغلطان في البيت حتى وانا اطبع معترضه على طريقة الطباعة