الديون والسلف
السؤال الذي يطرح نفسه لماذا الانسان البحريني يتدين
- هل احتياجاته كثيره وراتبه لا يكفي .
- ام طموحاته كبيره.
- ام عينه فارغه ما يترسهه الا التراب .
- او اطالع اللي اغنى منه ويريد التقليد.
- او عليه ضغوطات خارجيه مثل الزوجه والاولاد.
- او يتمنى بوزنه ادش الجنه.
هناك 6 تعليقات:
مسكين هالفقير مب مخليينه اتهنى اذا شراء ساعة ماركة قالوا هذي تقليد محد اصدق هالحافي ان اللي شاريهه صجيه ماركة يعني جذي جذك اعرفونك الاوادم انك حافي منتف خذيت اديون استغنيت ما في فايده
قالها عبدالحسين عبدالرضا في مسرحية بني صامت هالفقراء ما يدري شسوي معاهم اقول لبسنا ثياب شد قاموا حطوا الشد في ثيابهم شبر اقول حطنا تلفونات في سيارات انخلص اشغالنا حطوا ارايل خاليه شرينه سيايير كشخة قاموا شروا سياره طولها عشرين متر ديره ما ينعرف فيهه الغني من الفقير
طالعين طلعة هالفقراء هالايام مثل ما اقولون افرح اعياله اقول انت عبالك الغني مرتاح لا مب مرتاح ما يرقد الليل كله احاتي البيزات شكثر دخل وشكثر صرف اما الفقير اهو المرتاح ما عند فلوس ولا احاتي جم دخل وجم صرف
ولا هالايام كل ما تحجه واحد عن الفلوس قال هذي وسخ دنيا
اقول بنطرشلك تيلر اترس من هالوسخ
الفقير حتى احلامه على قد حاله قالوا له شتبي سياره قال كرسيدا قالوا له شنهو المميزات حق البيت اللي تبيه قال ابي بيت اسكان في مدينة حمد قالوا له شنهي مواصفات الزوجة قال مدرسة ليش علشان راتبهه كأن مافي وظايف عدله الا مدرسة لان اغلب الفقراء يدرسون في جامعة الاداب ويطلعون مدرسيين قالوا شنهي الوظيفة المفضلة جندي خيطين بقوة الدفاع
الدولة المفضلة للسفر دبي علشان اييب فيديو والسعوديه اقولون البيض ارخص اهناك
امنياتك ابي اتقاعد واشغل حمود ضابط في الدفاع وعوش تستغل مدرسة واتزوج ولد عمها جسوم اللي يشتغل جندي خيطين بقوة الدفاع وتكرر الماساة مرة ثانية
إرسال تعليق